Tarxetas de Nadal Moo
Upload feito originalmente por Modesto
Preparádevos para recibilas!
Autor: Modesto
-
WTF Cifras e Letras
Usar o buscador de imaxes de Google para ilustrar unha información non é sempre moi recomendábel. Non hai máis que lembrar aquela mítica metedura de zoca que fixera La Voz de Galicia cunhas fotos dos Lunnis que levaban os corpos da familia real española (photoshoppeada pola raíña Sofía), e da que se fixera eco Xaime. Pois eu acabo de descubrir outra, non tan grave, pero tamén moi divertida:
Como se pode ver na imaxe (ampliábel clicando) Avelino González e Camila Bossa non son Jorge Mira e Yolanda Castaño, evidentemente. Pero, parece ser que para a Axencia Audiovisual Galega si que o son, porque esa captura da TVG que eu subín a Flickr ilustra a ficha do programa Cifras e Letras, o de verdade, o que presentan Yolanda Castaño Pereira e Francisco Lodeiro Gómez (tamén se pode facer clic para ampliar).
-
Máis novidades (incríbeis)
Sempre á última, este blog vai introducindo cambios para poñerse ao día e sumarse ás pasaxeiras modas da internet. Agora, eliminei todas as referencias a Twitter, Flickr, 23, Last.fm… da parte dereita e paseinas á pestana Actividade, onde se pode seguir minuto a minuto (máis ben, cuarto de hora a cuarto de hora) todo o que fago, penso, vexo, escoito… Súper 2.0 (ou 3.0). E todo grazas ao plugin LifeStream.
-
American facts
Garanto que existen
- As yard sales
- Os camións de xelados con musiquiña
E que non existen (polo menos tan esaxeradamente como aquí)
- As rotondas
Pero non sei se hai
- Irmandades universitarias con nome de letras gregas
