Como dicía a Faraona nun spot de tabaco superboísimo para a saúde, xa podo bloguear tranquilamente dende unha rede wireless porque puiden conseguir dominar o ndiswrapper. A solución foi retrotraerme á versión 1.28 -en vez da supermoderna 1.41 de Debian Unstable-, descargándoa directamente de SourceForge, e compilala con esas palabras máxicas que son
make && make install
Como diría Hiro Nakamura, YATÁ!
Actualización (31 de maio): O ndiswrapper 1.45 soluciona todo isto.
Se eu fose Calidonia, tería datos fiábeis sobre a porcentaxe de blogueiros que hoxe lle dedicaron unha entrada ao 25 de Abril. Pero non o vou facer. E como tampouco son Carmucha, non vou criticar ningún deles, porque ese sentimento lusófilo moitas veces non se pode evitar. Aínda que, nun día como este, os portugueses son os que máis pasan da lembranza daquel 25 de abril de 1974 e prefiren marchar de vacacións a algures como, por exemplo, Galiza, envorcada na lusofilia -que é unha parafilia como calquera outra.
Aínda que non saín moi favorecido… 😀
Parvadas que fai un para pasar o tempo, e que poden servir para algo ou non.
Como hoxe teño o día de vídeos musicais, para compensar o de abaixo, poño este fermoso tema da primeira formación dos Modena City Ramblers, Delinqueint ed Mòdna, en emiliano-romañolo modenés, claro.
