Modesto.gal

Autor: Modesto

  • Tuning

    Evidentemente, non ten nada que ver con este tipo de tuning:


    Creo que o aspecto desta páxina mellorou considerablemente, pero aínda queda moito por facer. Mais o continente sen contido non é nada.

  • Que carallo é isto?


    Apareceu no episodio de Lost emitido onte á noite nos EUA. Naturalmente, non podo dicir o que é nin o que deixa de ser, nin en que contexto se puido ver. Pero saber, saberase, algún día.

    Na Wikipedia en inglés xa hai unha interpretación.

  • Actualización (case catro meses despois)

    Non me refiro a ModestoWeb, senón a www.tdt.es, que non renovaba os seus datos de cobertura de TDT dende o 30 de novembro. Agora -creo que é novidade- inclúe a localidade de Carballo entre os afortunados. Xa falta menos…

  • Mala sorte

    ¿Sabe usted lo que significa esta señal?

    Isto foi o que me preguntou o venres un simpático garda civil. A historia comeza cun adiantamento, feito nunha zona completamente autorizada -iso pensaba eu- e a unha velocidade tamén situada dentro dos límites permitidos.
    Este simpático corpo de seguridade paramilitar considera que, ao incorporarme ao carril dereito da circulación, pisei a liña continua. Aínda non sei canto me caerá, pero as faltas graves, como é o caso, castíganse con entre 92 e 301 euros de multa e ata 3 meses de suspensión do carné de conducir. Espero que só me afecte ao peto. Todo depende da discrecionalidade dos de verde.

    Cada vez estou máis de acordo con isto.

  • Xa estou de volta

    Ao final xa recuperei a conexión, aínda que con outro proveedor. Esta tarde descubrín por casualidade que é posible que nunca chegara a estar realmente sen internet, e eu sen sabelo.
    Explícome: primeiro chamei ao meu novo proveedor, onde me dixeron que non era posible darme de alta ata que o anterior me dese de baixa. Logo, chamei ao anterior, no que xa me dera de baixa hai unha semana, para asegurarme de que xa o fixeran, pero explicáronme que non era o mesmo estar de baixa técnica que de baixa administrativa (?!), e que xa estaba de baixa técnica pero aínda non de baixa administrativa, pero que de todos os xeitos non me ían cobrar os días nos que non tiven servizo de internet.

    Non sei por que, deume por chamar outra vez ao meu novo proveedor e pedirlle que me desen o nome de usuario e contrasinal para conectarme, porque aínda non recibira a carta con eses datos -si recibín o modem USB, que, por certo, non vou empregar, xa que teño un router do meu anterior proveedor-. Déronme o nome de usuario e o contrasinal e… voilà!
    Aquí estou de novo.