Parece que “milagrosamente” volve funcionar a conta de ya.com na que tiña aloxadas as imaxes deste blog. Polo tanto, voulle dar unha nova oportunidade e deixar libre a FTP de Wanadoo. Xa me estaba a entrar medo de ver cómo o buscador de imaxes de Google me indizaba ducias de veces a captura de “Crónicas Marranas”.
(Si. Xa sei que morreu Xoán Paulo II, pero supoño que xa vos decataríades por outro medio. Non estamos para iso…)
Blog
-
Coas imaxes ás voltas
-
Moita policía, pouca diversión
Era unha canción de Eskorbuto.
Por suposto, a imaxe é real. -
Happy happy
Este post pretende ser varias cousas ao mesmo tempo. Por unha banda, un recordatorio a Joaquín Luqui. Por outra, unha nova actualización do blog, porque algúns pensaron que me pasara algo… Así que escribo isto por petición popular (ou sería mellor dicir socialista?). E, finalmente, para os que xa estaban fartos do libro de Yolanda Castaño, non me quedaba máis remedio que botar man dos libros recomendados da facultade, que moito temo que seguirán a “gozar” as novas xeracións. Marilines é moita Marilines. Ata ten dominio propio!
-
Egoísta, egoísta
A nova recomendación literaria é O libro da egoísta, de Yolanda Castaño. Hai dous motivos para darlle espazo aquí a esta obra:
1º José Vicente Domínguez vén de presentar o seu novo libro, titulado ¿Que nos estades facendo?, e que non ten nada que ver con ese atroz cartaz pro-vexetariano que pon ¡Dejadnos vivir! ¡No nos comáis! De seguro que se o vistes, sabes do que falo.
2º Que a propia Yolanda Castaño, ou alguén que se fixo pasar por ela, está moi leda co primeiro número da revista Mala.
