Modesto.gal

Blog

  • 2012

    A ver se este ano 2012 que comeza supón un rexurdimento da prensa en galego, despois dos peches acontecidos a partir de 2010. Polo de pronto, parece que están a ser un éxito as peticións de apoio levadas a cabo pola plataforma Vitaminas para o galego ou a de Sermos Galiza, co que moi pronto contaremos con novos medios, como é o caso de Praza Pública. Está en marcha dende hai pouco Tempos Dixital, a versión en liña de Tempos Novos. E xa nun eido non estritamente informativo, tampouco podemos esquecer o traballo dos compañeiros de Letra en Obras.

    E agora poño este vídeo porque está relacionado. Ou non.

    [flash http://www.youtube.com/watch?v=byJXzdJMXf4]

    Actualización: E, efectivamente, como apunta Basilio Jr. tamén imos ter este ano un refrescante Dioivo, co que vai ser un auténtico dioivo de novidades na internet galega. Velaquí un dos adiantos cos que nos van agasallando.

    [flash http://www.youtube.com/watch?v=80bLJNWPYtU]

  • Vacacións (II)

    Pois ben, as vacacións realmente comezaron en setembro.

  • Vacacións

    Pois a partir de agora vou ter aínda menos tempo de actualizar o blog, por rematar este ano sabático.

  • Inventa a túa propia telenovela

    Sempre ao servizo dos guionistas en potencia, dende hai uns días YouTube ofrécenos a posibilidade de inventar as nosas propias paranoias audiovisuais grazas ao servizo “create”, con varias ferramentas, entre elas GoAnimate e Xtranormal, coas que se poden obter resultados coma estes, con tan só escribir unhas parvadas e engadir uns efectos dun xeito moi sinxelo.

  • Primolariiiiiii!

    Hoxe hai 25 anos que se estreou esta serie tan lembrada, que creou tendencia na dobraxe española de Balki -que non se sabe exactamente de onde procedía-, con personaxes como Apu, dos Simpson, ou Sayid, de Lost. Tamén crearon tendencia -en Islandia- os xerseis que levaba o primo Larry.

    Estreouse nos 80 nos Estados Unidos -onde durou oito temporadas- e despois nos 90 en España naquel interesante Canal+ en aberto.

    [flash http://www.youtube.com/watch?v=qfeHaRHy1bk]

    Tamén hai unha web moi recomendábel, de deseño claramente revival, sobre a serie.

    Parece ser que hai uns anos se fixo unha adaptación rusa, coa particularidade de que o primo non vén da illa pseudogrega de Mypos, senón de Euskadi, ou algo así.

    [flash http://www.youtube.com/watch?v=YHKQm2WdpV0]