Mais só estéticas, de momento.
Faltan, por exemplo, rematar de traducir o molde, cambiar a tipografía -non me convence- e rematar de arranxar a validación.
Autor: Modesto
-
Tres promesas sobre Chuza
A famosísima web galega de selección non xerárquica de novas, Chuza!, da que son seguidor habitual, está a evolucionar de tal xeito que fixo que me comprometese ao seguinte:
- Non chuzarei nada que xa lese hai varios días en Slashdot
- Non chuzarei nada que se acabe de publicar en Menéame, para que Chuza non se converta nunha versión traducida da web española
- Non vou dicir nin chío até que a cousa non se estabilice un pouco.
A imaxe da esquerda é a portada de Menéame de hai uns minutos. A metade da dereita, tres das novas en pendentes de Chuza á mesma hora. Polo menos as fontes son diferentes. 😈
Engadido: Véxome obrigado a puntualizar: cando digo «non chuzar» refírome a «non apoiar unha chuzada para que pase á portada» e non a «enviar unha nova a chuza».
-
O exame
Como seguen a chegar millóns e millóns de visitas procurando «Teoría de la información: el proceso informativo en radio y televisión», vou seguir co xogo pero agora ofrecendo unha imaxe de cal foi o -meu- exame do 20 maio de 2000, a anterior convocatoria. Por desgraza, non acertei demasiadas respostas.
-
Tan gallegos como en gallego
Será que os de Tan gallego como el gallego están a sabotear as televisións locais das zonas máis galegofalantes do país? Visto en Telebarbanza:
Non esquezan pechar a boca despois de ver o vídeo. Arrepiante!
-
Aviso aos navegantes
Nos últimos días, moita xente cae neste modesto blog buscando «Teoría de la información: el proceso informativo en radio y televisión». Pois sabede, amiguiños, que iso se aprende nas facultades de Ciencias da Comunicación e non na rede en quince días, por moito que o requerimento sexa de licenciado en calquera cousa. De nada.
Vaia! Só me falta dicir algo así como non ao intrusismo ou cousas semellantes. 😀
