Segundo os datos do ranking do mes de maio que publica TNS, Galicia/Galiza foi a comunidade autónoma na que o festival de Eurovisión tivo unha audiencia meirande: foi o cuarto programa máis visto do mes. Curioso.
Autor: Modesto
-
Galicia non será nación
Por moito que o diga Edilberto Alonso na canción do verán galega, ver cal foi a nova máis importante do día de hoxe na TVG fainos poñer os pés na terra.
-
Punto Radio Cee
Dende hoxe, pódese escoitar a programación de Punto Radio en Cee -e zonas limítrofes e non limítrofes- na frecuencia que anteriormente empregaba Radio Líder, 105 Mhz na FM. Como inauguración das súas emisións locais, escenificaron unha especie de mesa redonda sobre a inmigración, aínda que os contertulios tiñan todos unhas opinións semellantes ás deste medio, por dicir algo. A voz da moderadora sooume, porque creo que ata hai pouco traballaba en Radio Nordés, da SER, tamén de Cee. Sorte e a ver se lle dan unha frecuencia no vindeiro PTN, como a tantas outras emisoras.
Si. Xa sei que Radio Líder e Punto Radio Galicia son o mesmo.
-
Sorpresa (2)
Unha semana despois, El Correo Gallego tamén o conta.
E, contra o que di Sobek nun dos comentarios desa nova, si se ve con nitidez. Demostración (e de paso, exemplo da programación):
-
Sorpresa!
Púxenme a mirar a televisión a estas horas e detectei unhas estrañas interferencias na 2. Por curiosidades friquis das miñas sintonicei o aparello e de repente atopei isto:
É dicir, que dende hoxe se pode sintonizar a Sexta dende o reemisor de Noia, na canle 24 da UHF, interferindo lixeiramente á 2 (canle 23), así que non sei se seguirá aí ou está en probas ata que atopen outra frecuencia máis axeitada.
A todo isto, creo que aínda non a puxeron en Santiago. Tocaba para o día 1.
Estes de Abertis Telecom están a traballar contra reloxo. Pero aínda non puxeron a TDT.
Engádega: Non foi Abertis, senón Retegal.
