Modesto.gal

Autor: Modesto

  • Estraño pésame

    Hoxe recibín nunha das miñas contas de correo unha estraña mensaxe, que reproduzo aquí abaixo:

    buenas noches siento muchisimo lo ocurrido se que la tristeza es enorme pero piensa que hay alguien que te quiere y siempre estare a tu disposicion mi mas sincero pesame miles de besos tu compañera vanesa

    A remitente é unha tal Vanesa Fernández, a quen non teño o gusto de coñecer. Non parece ser un virus. ¿Será unha nova técnica para recoller enderezos de correo electrónico e enviar spam á xente que lle resposte? Ou será unha equivocación? Se é así, ¿é a amiga dunha amiga ou dun amigo ao que lle pasou algún accidente terrible ou a algunha persoa achegada súa?
    Misterio sen resolver.

  • Máis liberdade de expresión

    Hoxe decateime de que as persoas que se estreaban neste blog eran automaticamente incluídas nunha ‘lista negra’ que me obrigaba a moderar os seus comentarios (un do Melro e dous do Palanghreiro de Lalín). Xa está corrixido o problema e as súas opinións feitas públicas. Ademais, agora xa non é obrigatorio deixar nome nin enderezo de correo electrónico, para que poidades permanecer no economato.
    Sigo tendo a capacidade, como administrador, de borrar comentarios, pero é algo que aínda non fixen e non penso facer (e se o fago, explicarei as razóns, que probablemente se deban á invasión de spam, como lles está a pasar a algúns por desgraza).

  • Cambio de imaxe

    Unha vez máis fágolle un cambio de imaxe a ModestoWeb, agora que xa parece que o verán está a rematar e chega o mes de setembro. Mellor así ou coma antes?

  • Tola!

    Depois do sucesso da revista Mala, chega aos quiosques reintegracionistas uma nova publicaçom: Tola! A competência!

    Podes descarregar a capa em pdf aqui.

  • Xa marchou

    O auto(in)móbil que tanto deu que falar e escribir nas últimas semanas marchou onte.
    Como diría Desireless, «Bon voyage !»