Categoría: Endogamia

E, a verdade, non estivo mal. A ver o próximo.

Para evitar duplicacións e metablogueos innecesarios, e, de paso, aforrar traballo, remito todas as persoas que desexen coñecer os detalles da ceanza de onte ao que nos contan Ghanito e Besbellinha, dous protagonistas de excepción dos feitos. Eu, pola miña banda, dedicareime a completar a información que falta e que se limita, máis ca nada, ao que aconteceu despois de marcharen eles.

A verdade é que non queda moito máis que contar, porque despois do Velvet decidirmos dirixirnos xa a Torre Esmeralda, para degustar o tradicional e saboroso chocolate con churros co que rematan adoito as chuzanoites coruñesas. E, como tamén é habitual nestes casos, a xente foi desaparecendo paulatina e misteriosamente, uns con despedida e outros sen ela. Como somos xente de recursos, estou seguro de que todo o mundo chegou a cadansúa casa nunhas condicións máis ou menos aceptábeis. De todos os xeitos, quedoume unha enorme dúbida: que foi dos libros do bookcrossing que quedaron na consigna da estación de tren?

Por certo, que moito do que se escoitou onte á noite é un material de excepcional interese para próximas Chuzanews. E si, efectivamente, son vulcaniano. Muahaha!

Todo está listo para a celebración da xantanza de Nadal 2006-07, que, se todo sae como parece ser que sairá, non será xantanza, senón ceanza, e virá confirmar que o ascaridato non rematou aínda. O ascaplan integral contempla cea e allnightlong o venres 29 na Coruña. Xa contarei aquí o que pase, cando chegue o seu momento. Grazas ás fotos de O’Xirarei e ás de Xosé Antón, podemos lembrar como fora a do ano pasado, cando o blogomillo aínda estaba vivo. Agora, a blogomorgue -que seica hai xente que di que a culpa é de Chuza!– xuntarase na capital de Galiza segundo Paco Vázquez. Curioso que a última vez que vira esas fotos non coñecía ningún dos presentes, e agora si, case todos. Xente fantástica, por certo. Veremos -e leremos- como sae todo.

Aínda que xa pasaron uns días, estou obrigado a contar todo o que pasou o xoves e o venres. Velaí vai:

Cambiar de prefixo non é tan grave como pensaba. Afaste axiña. Ademais, tampouco se pode dicir que tivera moito tempo para pensar no aumento da idade. O día foi bastante intenso, cunha xornada laboral comprimida á mañá (exactamente igual ca o día seguinte) e repetición da xogada no CMG pola tarde, xusto despois da papanza-aniversario con todos os compañeiros de choio. Non hai gravación da conferencia, así que, por moito que se busque, non vai aparecer por ningures.

Despois, houbo mini-xuntanza podcasteira, con Sak, Homedareia e un servidor, xusto antes da hora da cea do programa Extrarradio. Case non houbo ausencias, pero si reencontros e tamén despedidas. Falouse de moitísimas cousas, entre elas o marabilloso que é o programa Pequeno gran show. A esa espectacular cea no 16 seguiulle un half night long no que cheguei á conclusión de que os locais de Humidtown están invadidos por xente da radio autonómica. Ademais, coñecín media Laurindinha.

O día seguinte non resultou demasiado complicado, a pesar de ter durmido apenas catro horas, e culminou cun xantar de empresa non menos espectacular ca a cea da noite anterior, pero, neste caso, con agasallo do amigo invisíbel incluído. Houbo de todo, regalos impresionantes. Eu estou moi contento coa axenda tuneada personalizada que me deron. A que mola?

• O cambio de década.
• A conferencia bis.
• A cea.
• O all night long.
• A véspera do xantar.

E, por certo, que xa estreei novo hosting. Seguiremos informando, porque isto vai medrar.