Modesto.gal

Categoría: Cultura IN

  • May’s Blood

    Ao final a convocatoria foi a metade do esperado, é dicir, de dúas persoas. Aínda que chegamos a pensar en cambiar de filme por falta de quorum, ao final, Mourullo e un non-servidor decidimos seguir fieis ao programa, máis que nada porque era o único filme que nos daba a tempo a ver despois de xantar.

    A ambientación da vida cotiá da época moi ben, co vestiario e todo iso, pero… un pouquiño longa, señor Garci -quen, por certo, fai a voz en off do principio-. E o final, precipitado (despois das dúas horas e media anteriores), con ese look-cutre-de-que-los-españoles-no-sabemos-hacer-escenas-de-acción, e uns surrealistas planos finais onde se bota a faltar a Espe. Memorábel o cameo de Luis Herrero e a participación de eternos secundarios do cinema hispano. Os protas… digamos que son bastante mellores ca os actores de Física y Química.

  • Atrasos


    La Voz de Galicia / Barbanza (5/6/2008)

    El concejal de Facenda de Noia, Lino García Novo, anunció ayer que antes de que acabe este mes ya se habrán hecho todas las adaptaciones técnicas oportunas en el repetidor del monte San Lois para que las cadenas de televisión que emiten mediante señal digital terrestre puedan ser sintonizadas en todos los hogares.

    Pode que Lino fose moi optimista, que Abertis tome as cousas con moita calma, ou que a zona non forme parte do 88% de cobertura estatal prevista para o 31 de xullo.

    Si, é certo que teñen que solucionar varias cousiñas: o repetidor do Concello de Muros que emite en analóxico no canal 66 (Cuatro dende Paxareiras), cambiar de frecuencia Antena 3 en analóxico (40, que usa a TDT autonómica da desconexión de Santiago), eliminar a emisión analóxica de TVSB no 27 (reservado á TDT local), e non sei se algo máis.

    …aínda que esta mensaxe pode querer dicir algo. En calquera caso, eu estarei en Nova York en agosto, e non terei tempo para comprobar esas cousas, losepáis. Unha lembranza a Fly Music:

    Vídeo

  • Alema bueno

    Este personaxe, que non sei quen será en Real Life®, defende que palabras como bueno se inclúan no dicionario da RAG, algo que rexeitan precisamente os que tamén rexeitan a RAG. En todo caso, eu apoio as súas notas discordantes para equilibrar unha rede social co compás un pouco descompensado.

  • Pechada polo FBI

    Vaia susto que levei onte á tarde cando decidín entrar na recomendábel web brasileira de subtítulos Legendas.tv para ver se xa tiñan os do Doutor Who desta semana, e vin esta arrepiante mensaxe do FBI, que non sei que pinta no Brasil, nunha web que non distribúe nin sequera arquivos de vídeo.

    O máis estraño é que poucos minutos despois, a web era accesíbel, como sempre, e non puxeron ningún aviso do que acontecera, nin desculpas, nin nada. WTF? O FBI só mola na tele, como en The X Files ou na nova -e que recomendo encarecidamente- próxima serie de J. J. Abrahams, Fringe.

  • Do it, do it again

    Non coñecía esta versión en inglés do famoso tema de Raffaella Carrà. Tívoa que rescatar Russell T. Davies no episodio desta fin de semana do Doutor Who.