Categoría: Friqueiradas

Bucle infinitoooooooo…

Pois como levaba xa moitísimo tempo sen actualizar este blog, tiven unha desas ideas xeniais de madrugada: por que non creo unha regra de Ifrit para que cada cousa que publique no meu Tumblr apareza publicada no blog e así vou creando contidos?

E a sí fixen. Pero esquecín un pequeno detalle. Xa tiña configurado o blog para que se publicase automaticamente no Tumblr cada cousa que publicaba.

Resultado: bucle recursivo infinito. Grazas a Manuel del Río –que non é parente meu– polo aviso.

Vaaaaale. A ver se escribo máis.

[flash http://www.youtube.com/watch?v=AVv4fgEZeMI]

Last updates

As últimas novidades endogámicas deste blog son que agora o Tumblr estrea dominio de seu: modesto.tk, porque merece iso e moito máis, como unha imaxe corporativa, que chegará máis adiante. Sigo mirando series, cada vez menos, porque unhas van rematando e as que van chegando non pagan a pena. Pero non me canso de recomendar Flight of the Conchords, por momentos como este (e non usedes gomina, que acabaredes de postmodernos dos anos 80):

[flash http://www.youtube.com/watch?v=_z5jU5nrlAo&fmt=18&fs=1&rel=0&color1=0x5d1719&color2=0xcd311b&showinfo=0 w=480 h=295]

Desconexións

En varios sentidos da palabra. Por unha parte, agora non vou ter a posibilidade -de momento- de actualizar o blog entre semana, por falta de conexión no fogar, co que o número de actualizacións, que xa non era moi alto, vai seguir decrecendo.

Por outra, quería falar dun tema que está a causar algún malestar, aínda que supoño que non en demasiadas persoas, só nos frikis televisivos e pouco máis. Pois ben, dende o 13 de febreiro, a TVG comezou a incorporar -xa non era sen tempo- as desconexións locais nas súas emisións por TDT, que serán as únicas que faga de aquí a pouco (ademais do satélite). Pois ben, isto provocou que houbese algúns cambios.

Por exemplo, agora na ría de Muros e Noia podemos ver as próximas e interesantes noticias da Coruña e de Ferrol, este sábado con TCs de regalo:

Non tes instalado Flash ou tes desactivado JavaScript.

Chamei a Retegal para ver se o podían resolver, e de alí a un pouco chamáronme -pensaban que eu era de Control Central (!)- e dixéronme que “o Ministerio” indicaba que había que poñer nesa zona a desconexión da Coruña. Ben, o certo é que aquí temos a TDT autonómica na canle 61, pero é polo feito de que 40 (a de Santiago) está a ser usada en analóxico por Antena 3, e non por outra razón. De feito, en Fisterra tamén usan a canle 40, polo que se dá a situación absurda de que a desconexión da Coruña-Ferrol se ve na súa área de influencia e nun pequeno Xibraltar ao suroeste da provincia. Preguntei se iso ía cambiar co apagón analóxico de xuño e dixeron que non, que eran ordes do Ministerio. Espero que impere a cordura e fagan o cambio cando desapareza a Antena 3 analóxica. Ou, polo menos, que deixen de enviar redactores da delegación da TVG de Compostela a cubrir novas a Noia e, no seu lugar, manden xente da Coruña.

E, aínda que pareza un tema localista, o certo é que a xente de Pontevedra tamén está bastante anoxada, porque en dixital ven a programación de Vigo e non a que lles corresponde. Neste caso, a solución probábel será facer como fan na Coruña con Ferrol e deixar uns minutos para a información da capital provincial. Pero teñen de prazo até abril de 2010.