Volvo ter rede dende Debian, pero esta vez de volta ao kernel 2.6.18-3. Sigo sen atoparlle explicación ao feito de que no 2.6.18-4 sexa absolutamente imposíbel cambiarlle o enderezo MAC á tarxeta de rede sen fíos a través do módulo ndiswrapper. E, cando busco no Google, sáeme isto. Haberá que agardar a unha nova versión e probar de novo.
Ah, o problemiña que tiña á hora de reinstalar ndiswrapper era que estaba a empregar un arquivo .inf incorrecto.
Estou a publicar dende Windows. Non é que lle pasara nada malo á Debian inestábel, grazas, pero é que estiven a fedellar cos drivers da tarxeta de rede sen fíos e agora mesmo non consigo que funcione. Só lle podía cambiar o enderezo MAC no kernel 2.6.18-3, pero queríame cambiar definitivamente ao 2.6.18-4, así que compilei o driver da Broadcom a través de ndiswrapper, pero non daba resultado: tampouco lle podía cambiar o MAC. Logo probei a instalar o driver bc43xx, pero dáme erros e non consegue potencia de emisión suficiente… En fin, que a cousa non hei de tardar moito en amañala, pero agora mesmo non é o momento.
En Debian sid xa se chama así.
Despois duns días fóra de circulación, volve coa mesma forza de sempre ModestoWeb. Por desgraza, os dous últimos posts e os comentarios recibidos despois do día 23 perdéronse. Se teño tempo -que supoño que si- recuperarei os primeiros, aínda que non poderá pasar o mesmo cos segundos. Mágoa.
