Categoría: Navegando

Alema bueno

Este personaxe, que non sei quen será en Real Life®, defende que palabras como bueno se inclúan no dicionario da RAG, algo que rexeitan precisamente os que tamén rexeitan a RAG. En todo caso, eu apoio as súas notas discordantes para equilibrar unha rede social co compás un pouco descompensado.

Pechada polo FBI

Vaia susto que levei onte á tarde cando decidín entrar na recomendábel web brasileira de subtítulos Legendas.tv para ver se xa tiñan os do Doutor Who desta semana, e vin esta arrepiante mensaxe do FBI, que non sei que pinta no Brasil, nunha web que non distribúe nin sequera arquivos de vídeo.

O máis estraño é que poucos minutos despois, a web era accesíbel, como sempre, e non puxeron ningún aviso do que acontecera, nin desculpas, nin nada. WTF? O FBI só mola na tele, como en The X Files ou na nova -e que recomendo encarecidamente- próxima serie de J. J. Abrahams, Fringe.

Proba superada

Hai un millón de persoas, ademais de min, que non gustamos demasiado de George W. Bush. Polo menos, neste grupo de Facebook.

E seguro que hai moita xente de Modesto.

Tits no more

A imaxe máis buscada -e máis pendurada en foros externos- de todas as que se inclúen neste blog, e unha das que recibe máis visitas por todo o anterior, é á que se accede cando se preme na imaxe censurada desta entrada. Nun principio, era a mesma imaxe, pero a un tamaño de 720×576 e sen as estreliñas. Porén, por iso de que se achega o 1 de abril e tal, decidin substituíla por esta, moito máis eurovisiva. Saúde, paghilheiros!