Benigno Sánchez García, ata agora xefe da inspección provincial de traballo d’A Coruña, será o novo director xeral da CRTVG, se Vieiros, La Voz de Galicia e El Correo Galego, entre outros medios de comunicación, non minten.
Polo que se ve, a principal prioridade do goberno da Xunta será resolver os graves problemas laborais que lle afectan á Compañía. Haberá que agardar un par de anos a que o director xeral poida ser elixido polo Parlamento.
P.D.: Eu prefería a Morgan.
Categoría: Mass media etc
-
Benigno Sánchez será o novo director xeral da CRTVG
-
Je voudrais avoir un Dolmen aussi !
Image : Le Journal CanalTambre.
Explicación do de arriba:
Un sábado ao mediodía puxen a televisión e descubrín con estupor que o presentador do informativo estaba dando as novas en francés. Despois duns minutos coa boca aberta, decateime que era un telexornal para turistas, pero resultoume raro-raro-raro… Espero que o meu xefe non tome nota da idea.
Ocórrenseme outras preguntas ‘dolmenianas’, pero mellor é que as deixe para outro post. -
Captura do futuro (2)
Aínda que este post xa se publicou o 14 de xaneiro, dentro da última moda da reciclaxe e da futuroloxía de a patacón, retomo esta imaxe:
-
Superluns
O famoso Superpiñeiro, que esta semana saíu ás pantallas galegas en luns por mor do fútbol, abriu o programa ao estilo Sardà gabándose das marabillosas cifras do share da semana pasada. ¿Estará a dicir, subliminalmente, «se decidides prescindir do meu estupendo programa, ides baixar moitísimo na audiencia»?
Na imaxe de embaixo, aparece acompañado de Dona Hermitas, escarallando diversos electrodomésticos. Que dirán os emigrantes que pasan penurias â€â?e que non son visitados por Maricarmen Mella?
