Categoría: Mass media etc

A nova recomendación literaria é O libro da egoísta, de Yolanda Castaño. Hai dous motivos para darlle espazo aquí a esta obra:
1º José Vicente Domínguez vén de presentar o seu novo libro, titulado ¿Que nos estades facendo?, e que non ten nada que ver con ese atroz cartaz pro-vexetariano que pon ¡Dejadnos vivir! ¡No nos comáis! De seguro que se o vistes, sabes do que falo.
2º Que a propia Yolanda Castaño, ou alguén que se fixo pasar por ela, está moi leda co primeiro número da revista Mala.

Non sei se alguén se decatou de que, supetamente, todas as imaxes deste blog desapareceron. Tentarei resolvelo axiña.
Decidín volver á “casa”, Wanadoo. Xa que me agasallan con 50 megas pola conexión a Internet… Mágoa que se excedo unha determinada cantidade de tráfico mensual, suponse que me van cobrar máis. Espero que non. ModestoWeb tampouco é Google.

Este libro de relatos de José Vicente Domínguez, “case” finalista do premio Valle-Inclán -non vou explicar por que- é a nova recomendación. Penso que unha semana abondou para ler integramente O Quixote en portugués.
Por petición popular, velaquí o que pasou.

Non sei se alguén lembra a serie Doutor Who, que hai uns anos botaron pola Galega. Trátase dunha mítica serie de ciencia-ficción da BBC que comezou aló polos anos 60 e pasou por diferentes etapas interpretada por diferentes actores. Ten a escusa de que o tal Doutor Who é un ser doutra galaxia (ou algo así, non me lembro ben) que ten unha máquina camuflada nunha cabina de teléfonos da policía británica que lle permite viaxar polo tempo e o espazo. Ademais, o doutor ten a facultade (ou defecto, segundo se vexa) de cambiar completamente de forma e personalidade cada certo tempo.
Volvemos á historia: na Galega puxeron os capítulos dos anos 70 interpretados por Tom Baker. Agora, a BBC ONE estrea o vindeiro sábado santo en horario para todos os públicos (19 horas GMT) unha nova etapa protagonizada por Christopher Eccleston (?).
Supoño que os efectos especiais mellorarían moito con respecto aos anteriores episodios, aínda que espero que manteña ese encanto da ciencia-ficción británica, tan diferente da americana. Por suposto, algún día tamén haberá ci-fi galega (isto non é unha idea para os guionistas dos Tonechos).