Categoría: Mass media etc

Puidémolo ver onte no programa 7 días, 7 noches de Antena 3.

Velaquí a páxina dun peculiar club de fans desta canle…

Aínda que algunha vez cheguei a pensar que era o único Modesto do mundo -familia propia á parte-, o certo é que che hai moitos blogs de Modestos polo globo terráqueo adiante. Por exemplo, Da Boop, o weblog de Alexandre Modesto (complètement écrit en français), ou esta cousa polaca, que se actualizou por última vez no ano 2003. Tamén hai un admirador de Paulina Rubio, que ciberocupou o dominio modesto.tk, por non falar da cidade californiana de Modesto, co seu xornal e a súa policía. Tamén hai unha que se chama Ramona.

Como non se me ocorría outra cousa que postear, teño que botar man dunha simpatiquísima anécdota do programa Encontros (para variar).
A nosa idolatrada Maricarmen confundiu A Pobra de Brollón coa Pobra do Caramiñal, nunha entrevista imposible a unha emigrante arxentina.

O programa Encontros, da TVG, é un pozo sen fondo inesgotable de material e inspiración para este blog, sen dúbida. O magacín presentado pola incomparable Maricarmen Mella ofreceunos esta semana a actuación estelar de Malena Gracia, unha das protagonistas máis asiduas dos programas de tele-lixo (aínda que, tamén, hai que dicir que a culpa do tele-lixo é de quen o fai e de quen o ve, non dos pobres personaxes dos que se nutren estes espazos, como Malena). Aí a tedes, no Encontros. Dentro de nada pasará tamén por Noites de Xolda e Supermartes. Tempo ao tempo. Por certo, que o vestiario, tanto dela como dos bailaríns, parece máis propio dun desfile de moda de Agatha Ruiz de la Prada ou dalgún dos seus pupilos… ou será cousa do Entroido?

A outra xeración do 98: os que compartimos aulas aquí, pero na época pre-Siza, cando a súa sede estaba na praza de Mazarelos.
Que foi deles? Pois, de cando en vez, atópome con algúns mentres navego por estes inestables océanos.
Hoxe lin, casualmente, un artigo de opinión dun compañeiro de facultade do que non sabía nada dende hai anos.
E esta tamén estudou comigo.
Xa haberá tempo de facer outras procuras ao estilo Lobatón.
Nota mental: creo que teño que pensar seriamente nas avantaxes da emigración. E se el repite, será un motivo máis.