Blog

Que fan Marga Pazos, Mónica Martínez e Santiago Pemán nunha folla de Excel da universidade de Gante? Eu tamén me fixen esa pregunta cando atopei isto no Google.

Hai uns días saíu á rúa o novo xornal gratuíto do grupo Recoletos. Chámase Qué! e ten dúas edicións en Galicia: a d’A Coruña e a de Vigo. Ningunha das dúas destaca polo uso da nosa lingua, aínda que, como era de esperar, a coruñesa menos aínda ca a viguesa. Como ata as aldeas non chega a súa distribución, polo menos pódese consultar online a edición íntegra en PDF.
Por certo: outros que descobren os blogs.

Non creo nos adiviños, nos xogos de azar nin nos concursos por SMS e 806.

Este é un exemplo das desconexións publicitarias que se poden ver dende o repetidor de Antena 3 en Noia (canal 40 UHF). Leva así dende a súa inauguración, o día de san Fermín de 1993, polo que me pregunto qué pensarán as empresas que se anuncien para Galicia coa suposta intención de cubrir o país. Viva Castela-A Mancha! Viva Retevisión! Viva o Hispasat!