Categorías
Friqueiradas Mass media etc

Desconexións

En varios sentidos da palabra. Por unha parte, agora non vou ter a posibilidade -de momento- de actualizar o blog entre semana, por falta de conexión no fogar, co que o número de actualizacións, que xa non era moi alto, vai seguir decrecendo.

Por outra, quería falar dun tema que está a causar algún malestar, aínda que supoño que non en demasiadas persoas, só nos frikis televisivos e pouco máis. Pois ben, dende o 13 de febreiro, a TVG comezou a incorporar -xa non era sen tempo- as desconexións locais nas súas emisións por TDT, que serán as únicas que faga de aquí a pouco (ademais do satélite). Pois ben, isto provocou que houbese algúns cambios.

Por exemplo, agora na ría de Muros e Noia podemos ver as próximas e interesantes noticias da Coruña e de Ferrol, este sábado con TCs de regalo:

Non tes instalado Flash ou tes desactivado JavaScript.

Chamei a Retegal para ver se o podían resolver, e de alí a un pouco chamáronme -pensaban que eu era de Control Central (!)- e dixéronme que “o Ministerio” indicaba que había que poñer nesa zona a desconexión da Coruña. Ben, o certo é que aquí temos a TDT autonómica na canle 61, pero é polo feito de que 40 (a de Santiago) está a ser usada en analóxico por Antena 3, e non por outra razón. De feito, en Fisterra tamén usan a canle 40, polo que se dá a situación absurda de que a desconexión da Coruña-Ferrol se ve na súa área de influencia e nun pequeno Xibraltar ao suroeste da provincia. Preguntei se iso ía cambiar co apagón analóxico de xuño e dixeron que non, que eran ordes do Ministerio. Espero que impere a cordura e fagan o cambio cando desapareza a Antena 3 analóxica. Ou, polo menos, que deixen de enviar redactores da delegación da TVG de Compostela a cubrir novas a Noia e, no seu lugar, manden xente da Coruña.

E, aínda que pareza un tema localista, o certo é que a xente de Pontevedra tamén está bastante anoxada, porque en dixital ven a programación de Vigo e non a que lles corresponde. Neste caso, a solución probábel será facer como fan na Coruña con Ferrol e deixar uns minutos para a información da capital provincial. Pero teñen de prazo até abril de 2010.

Categorías
Mass media etc

Faltan 212 días

Que vén o píxel! Pois, dende hai case dúas semanas, xa podemos, no Son, gozar desa ampla oferta de programación dixital que inclúe estes marabillosos concursos de tele-estafa:

Alemania

Concursos nos que as televisións locais, por certo, foron pioneiras, como non son pioneiras da TDT, porque seica até a primavera non comezarán a emitir. Quen chega último queda sen sitio. Como recomendaban os de Muchachada Nui: HANTENICENCEN!

Vídeo

Categorías
Cultura IN Mass media etc

Atrasos

Abertis Telecom
La Voz de Galicia / Barbanza (5/6/2008)

El concejal de Facenda de Noia, Lino García Novo, anunció ayer que antes de que acabe este mes ya se habrán hecho todas las adaptaciones técnicas oportunas en el repetidor del monte San Lois para que las cadenas de televisión que emiten mediante señal digital terrestre puedan ser sintonizadas en todos los hogares.

Pode que Lino fose moi optimista, que Abertis tome as cousas con moita calma, ou que a zona non forme parte do 88% de cobertura estatal prevista para o 31 de xullo.

Si, é certo que teñen que solucionar varias cousiñas: o repetidor do Concello de Muros que emite en analóxico no canal 66 (Cuatro dende Paxareiras), cambiar de frecuencia Antena 3 en analóxico (40, que usa a TDT autonómica da desconexión de Santiago), eliminar a emisión analóxica de TVSB no 27 (reservado á TDT local), e non sei se algo máis.

…aínda que esta mensaxe pode querer dicir algo. En calquera caso, eu estarei en Nova York en agosto, e non terei tempo para comprobar esas cousas, losepáis. Unha lembranza a Fly Music:

Vídeo

Categorías
Cultura IN Humidtown Mass media etc

Un día histórico para o audiovisual galego

Non sei se o título pode parecer un pouco pretensioso, pero é certo. Hoxe comezaron a emitir pola TDT as dúas primeiras televisións locais de Galiza: as de Compostela, Correo TV e Localia, aínda que creo que non o saben en ningunha das dúas, porque non o anunciaron nin nada. O caso é que, aínda que a calidade de imaxe é cutre a máis non poder, o audio tamén (Localia só sae pola canle esquerda), non teñen guía de programación e todo iso, é un paso importante de cara ao apagón analóxico, para o que só falta un ano de nada. Pois iso, que velaí unhas capturas, e un saúdo a Vanessa Grela, compañeira de facultade, e a Sara García, con quen compartín esperpentos xa sabe onde 😀

Localia Santiago en TDT
Correo TV Santiago en TDT

Ah, outra cousa: que se supón que a súa lingua vehicular será o galego, pero a canle de audio vén marcada como “esp”. Iso xa se irá amañando co tempo… Até o 30 de xuño de 2009.

Actualización: Ben, polo que vexo, en Localia si que o saben:

Localia no MUX 23 da TDT