Versión orixinal


Estoulle collendo afección a isto de ver series televisivas en versión orixinal e sen subtítulos. O «vicio» comezou con Doctor Who, está a continuar rescatando episodios dunha serie da miña infancia, Logan’s Run, e proseguirá, inevitablemente, con Lost. Esta semana estreouse nos EUA a segunda temporada e, como non podía agardar a vela o ano que vén dobrada ao castelán, púxenme ADSL á obra, e xa está:
Lost 02x01
Que quede claro que non pretendo facer ningún spoiler, así que non vou contar nada. Como isto crea síndrome de abstinencia, xa estou baixando a serie que se emite a continuación de Lost na ABC, Invasion, que promete bastante. E non descarto comezar a colección da segunda xeira de Desperate Housewives, que se estrea mañá.
Vendinme ao imperialismo ianqui?


One response to “Versión orixinal”

  1. Cantos anos sen saber da “Fugha de Loghan” co carricoche aquel e o Doctor Willowy, o meu primo…
    Os ianquis poden facer cousas malas pero outras son boas e, a fin de contas, e o que mamamos de sempre.
    Saudos e desfruta co material que baixes.

Leave a Reply Cancel reply

This site uses Akismet to reduce spam. Learn how your comment data is processed.