Modesto.gal

Categoría: Endogamia

  • Día gris

    Este é un deses días raros en Humidtown. 16 de agosto, San Roque (parabéns a Rocco Siffredi, que sabemos que é seguidor deste blogue). Non vai sol, así que todos os turistas con xenes hipertrofiados de réptil que non poden pasar as súas seis horas de rigor na praia, veñen a Humidtown a ver esa igrexa grande que sae nas moedas esas de poucos céntimos que dan de volta nos supermercados e que se acumulan e non sabes que facer con elas. E, como é festa local, veño de mercar unhas cantas bebidas non alcólicas do Opencor, un dos poucos estabelecementos abertos, e que ten os caixeiros máis rápidos a este lado do río dos Pecos (háblame de ti…), e que supoño que deben de almorzar, polo menos, un par de raktajinos ben cargados. Como festa que é, hoxe non me toca traballar. Convidáronme a ir á Coruña, ás Viñetas desde o Atlántico, pero creo que vou declinar (rosa, rosa, rosam, rosae, rosae, rosa…) o convite. Porque non son friqui da banda deseñada e non quero caer nesas perigosísimas redes, e porque este ano non toca Camela no Castrillón. E porque non vou ter tempo de abondo para percorrer todas as exposicións cómicas -dúas horas non chegan-. E hoxe é o día -a noite- dunha cea decisiva e polémica porque, saia o que saia de aí, vai haber protestas. Ao tempo. E, que vou facer, logo? Sobredose audiovisual, porque o tempo non está como para pasear…

  • Bye bye CHN

    Aínda que xa o dixera por aí -ou iso creo lembrar- as vindeiras Chuzanews, as 32, serán as derradeiras, definitivamente. E chegarán cando a situación o requira e teña tempo e ganas de facelas. Mentres, o blogue segue moi beta de Dios, pero vai avanzando.

  • Volta aos estudos

    As probabilidades son escasas, pero…

    1. Actualidad Nacional y de las Comunidades Autónomas: Política, Economía, Sociedad, Cultura y Deportes.
    2. Actualidad Internacional: Política, Economía, Sociedad, Cultura y Deportes.
    3. La Constitución Española. Instituciones, Estructura y Organismos del Estado y de las Comunidades Autónomas.
    4. La Unión Europea y sus Instituciones.
    5. Instituciones y Organismos Internacionales.
    6. Ley 17/2006, de 5 de junio, de la radio y la televisión pública de titularidad estatal. Corporación RTVE. La radio y la televisión en España.
    7. Teoría de la Información: El proceso informativo en radio y televisión.
    8. Ofimática, Internet y las Nuevas Tecnologías de la información.

    (Por suposto, isto cóntoo unha semana despois de que rematase o prazo de inscrición)

  • Non moito que contar

    Mentres sigo indeciso sobre o lugar de vacacións, e aínda sen sacar o pasaporte, aproveito para facer cousas importantes como actualizar a versión de WordPress á 2.2, para información dos crackers.

  • Voyage, voyage

    A estas alturas -falta menos dun mes- non teño nin idea de se vou ir a algures de vacacións ou non, aínda que, coñecéndome, é posíbel que acabe por non cruzar a fronteira nin nada. E no caso de ir, tampouco sei a onde, aínda que si sei que prefiro o norte ao sur e o frío á calor, sobre todo se esta supera os 40 graos. E, ademais, teño varios asuntos en contra: uns de tipo familiar e outros doutro tipo -dos que non podo falar até que pasen uns días, máis que nada por puro egoísmo-. Total, que estou confuso. Acepto suxestións, claro. 😀