Categorías
Endogamia Friqueiradas

De quen é a culpa de todo?

Grazas a esa nova e altamente interesante función que nos ofrece Twitter, as enquisas, xa temos unha resposta. Aínda que a cousa estea bastante igualada.

Categorías
Endogamia Produción propia

Proxectos, proxectos, proxectos

Como a cabeza non para, aproveitei que Gandi estaba de aniversario e que sorteaba dominios de balde para facerme cuns cantos e, de paso, darlle saída a varios pseudoproxectos que un ten na cabeza pero que non acaban de saír. O hosting ilimitado de Dreamhost tamén axudou.

Un exemplo disto é GZtoday, un xornal satírico de novas que poderían ser certas, e que xa tiña Twitter desde hai bastante tempo, mais desaproveitado. Pois nada, que xa ten web, e a ver se vai medrando, aos poucos.

gztoday

Categorías
Endogamia Friqueiradas

Por fociños, por Cacheiras

Non é a páxina do Xabarín Club, aínda que se chame Xabarín Club. Non ten nada que ver con fociños, nin está en Cacheiras. Tampouco ten nada que ver con Martiño Noriega, aínda que goberne en Cacheiras, e aínda que pareza a imaxe dunha candidatura, popular ou non, de Compostela Aberta ou non. Pero velaquí.

Xabarín Club

Categorías
Cultura IN Endogamia Mass media etc Produción propia

A ubicuidade de Maricarmen Mella

Xa hai moito que non sabemos nada de Maricarmen Mella, que hai dez anos fora musa deste modesto blog. Nalgún momento a súa presenza aquí rozaba a ubicuidade, porque Maricarmen, como todos sabemos, daba moito que falar.

Maricarmen Mella
Maricarmen Mella

Así, tivemos a oportunidade de ver como a famosa presentadora comía un cachorro quente en pleno Londres, diante dun elefante. Maricarmen guiounos polos lugares máis marabillosos onde houbese un galego, a poder ser vivindo ben. Porque se algo podemos salientar do seu labor como viaxeira incansábel foi o feito de acabar coa imaxe do emigrante que sufría fóra da terra. Ao contrario, só se podían ver no seu programa Encontros xente vivindo de fruta madre ao estilo Mella, o que animou anos máis tarde a que a mocidade galega emigrase, perante a ubicuidade da falta de expectativas laborais na Galiza.

Maricarmen Mella ubicuidade
A ubicuidade de Maricarmen fai mella neste blog

Este blog tamén tivo a honra de ofrecer, hai unha década, esta felicitación de nadal de Maricarmen, ataviada co seu atrevido vestiario ao que xa nos ten afeitos de toda a vida, tanto en Lugo como noutros lugares, tales como a gala do albariño de Cambados. A súa ubicuidade non se pode negar, non.

Outro dos seus momentos televisivos en Encontros foi cando confundiu a Pobra de Brollón coa Pobra do Caramiñal.

[youtube https://www.youtube.com/watch?v=f_8AYWVRb6s]

E todo isto parece unha proba de posicionamento SEO, e efectivamente, así o é, porque moita xente chegaba aquí buscando esas dúas palabras, a ubicuidade e cousas sobre Maricarmen Mella, á que lle enviamos un cariñoso saúdo desde este modesto blog.

Categorías
Endogamia Friqueiradas Produción propia

Menos mal que xa temos o Punto Gal

Modesto.gal
Xa é nadal e xa temos o punto gal

Pois iso, que cando este modesto blog está a poucos días de facer dez anos, estreamos o dominio punto gal, reivindicado case desde o primeiro momento. Parabéns!