Unha das últimas modas no YouTube son os vídeos recompilatorios creados por afeccionados que nos amosan as súas apostas para Eurovisión 2012. O amigo hpimu fixo tamén a súa propia recompilación, que xa leva tres “non me gusta” no servizo de vídeos de Google.
[youtube http://www.youtube.com/watch?v=DfzbMTAdUss]
A ver se este ano 2012 que comeza supón un rexurdimento da prensa en galego, despois dos peches acontecidos a partir de 2010. Polo de pronto, parece que están a ser un éxito as peticións de apoio levadas a cabo pola plataforma Vitaminas para o galego ou a de Sermos Galiza, co que moi pronto contaremos con novos medios, como é o caso de Praza Pública. Está en marcha dende hai pouco Tempos Dixital, a versión en liña de Tempos Novos. E xa nun eido non estritamente informativo, tampouco podemos esquecer o traballo dos compañeiros de Letra en Obras.
E agora poño este vídeo porque está relacionado. Ou non.
[flash http://www.youtube.com/watch?v=byJXzdJMXf4]
Actualización: E, efectivamente, como apunta Basilio Jr. tamén imos ter este ano un refrescante Dioivo, co que vai ser un auténtico dioivo de novidades na internet galega. Velaquí un dos adiantos cos que nos van agasallando.
[flash http://www.youtube.com/watch?v=80bLJNWPYtU]
Para estrear este blog no ano 2011, que xa era hora, inclúo este vídeo que se converteu nun dos que máis deu que falar nos últimos días na internet galega. Trátase dun fragmento dunha reportaxe-maratón que, estrañamente, leva emitindo xa varios meses a CNN+.
[flash http://www.youtube.com/watch?v=IcaJWXPxR7Y]
Non sei se por coincidencia, esta mañá a G2 repuxo o primeiro programa de Tardes con Ana. Hoxe morreu Ana Kiro, todo un referente na cultura do país. STTL.
Acábase de presentar a nova mascota do Xacobeo, Xubi, un polémico deseño que practicamente ninguén quere como substituto do Pelegrín. Pero é tan riquiño que eu xa lle atopei tres novos empregos:
Como mascota de Fanta:
Como amigo de Pocoyó:
Como premio Xerais:
