Blog de Modesto del Río
Non sei por que serendipias da vida, hoxe descubrín que nunha conta de Gmail conservo os comentarios de cando este blog estaba en Blogger, e, tamén casualmente, todos aqueles comentarios teñen data de tal día coma hoxe de hai tres anos. Así que, haberá que recuperalos… Aos poucos, que son moitísimos.
Fedellando no YouTube atopei este vídeo. Gozade de boas lembranzas. Dous avisos: non está enteiro e a dobraxe non é como as de agora:
Facendo zapping, por pura casualidade, puxen Popular TV e atopei o que, probabelmente, sexa un dos poucos programas que paga a pena ver desa canle: Fama. Sentín esa estarrecedora sensación de lembrar cada plano do episodio, que só vira unha vez, hai case 25 anos. Aínda que, daquela, os personaxes parecíanme vellísimos e, agora, parécenme novísimos -e un chisquiño pasados de moda, tamén-. Ala, un aplauso para a Conferencia Episcopal por rescatar estas cousas que tan boas lembranzas nos traen aos puriles.
Como seguen a chegar millóns e millóns de visitas procurando «Teoría de la información: el proceso informativo en radio y televisión», vou seguir co xogo pero agora ofrecendo unha imaxe de cal foi o -meu- exame do 20 maio de 2000, a anterior convocatoria. Por desgraza, non acertei demasiadas respostas.
Tanto falar de fusos horarios e da hora galega e resulta que no meu concello temos un mes menos e todo! Isto serve, de paso, para falar de temas audiovisuais, de novas canles que chegan á miña ría, que é miña pero tamén de todos, pero que chegan tarde para que me vexa a min mesmo, porque aínda que se me siga a ver a min mesmo, eu xa non estou aló senón acó. E si, teño un día un pouco troll, que pasa?
Xa chegará o momento de que faga capturas de min mesmo mesmamente, porque seguro que terei ∞+1 posibilidades de volverme ver.
