Novos Vieiros

Fonte: Galicia Hoxe de hoxe.

Conseguir que medre e se consolide é o obxectivo que a xornalista María Yáñez se marcou para a súa nova etapa ó fronte do portal galego de noticias, Vieiros, na remuda do escritor e xornalista Anxo Quintela quen vai emprender un “novo vieiro”.
A partir do ano que vén o portal celebrará o seu décimo aniversario polo que “aproveitaremos para facer un pouco de balance e reedefinición” comenta a blogger, que tamén dirixe A Rotonda, a primeira editora en galego.
Durante este período a nova directora quere que o portal “medre máis que que cambie e se siga consolidando” e para iso fomentarase a produción “de traballos especiais” e promoverase “a participación dos lectores” a través “doutro tipo de campañas que abarquen novos ámbitos para achegarse á xente que non está na rede” explica a xornalista quen quere saber “cara a onde imos”.
Sobre a súa elección supón que “buscaban o perfil dunha muller nova que estivese en contacto coa rede galega e co mundo xornalístico”, características que se cumpren e que se seguirán cumprindo, xa que pensa continuar co seu labor no blog e na editorial A Rotonda.

Pois moita sorte nesta nova andaina.
Atención á foto con ‘pose sesi’:

1 comentario

  1. “buscaban o perfil dunha muller nova …â€? Curioso, ¿por qué muller? ¿por qué nova? O normal sería buscar a persoa máis capacitada independentemente da idade ou do sexo. Isto da discriminación positiva non sei eu como terminará. En fin, que teña sorte.

Deixar unha resposta Cancelar a resposta

Este sitio emprega Akismet para reducir o spam. Aprende como se procesan os datos dos teus comentarios.