Hai case dous anos e medio publicaba esta entrada para conmemorar as 5.000 visitas deste blog, que xa pasou hai tempo das 100.000 (o contador de abaixo só marca dende o 10 de decembro de 2006). Dende aquela, o robot de Google Imaxes visita con asiduidade esta páxina, até o punto de que esa imaxe do pastel co número 5.000 é a primeira que aparece se procuramos “pastel” no buscador. Porén, aparece dentro da páxina dunha igrexa un tanto chunga dalgún lugar alén do Atlántico. Esa mesma imaxe foi empregada en numerosos foros e nas inenarrábeis Yahoo Answers, sempre no continente americano tirando ao sur. Pero parece que ninguén se decatou do “5.000”, e non creo que ningún dos parabenizados teña 5.000 anos.
Deixa unha respostaCancelar a resposta