Categoría: Mass media etc

Os traballadores dos medios de comunicación das comarcas do Barbanza e Noia celebramos onte á noite a tradicional cea na que, desta volta, nos xuntamos case trinta persoas (un bo número). Foi no restaurante O Campiño, n’A Pobra, e a cousa comezou ás once e rematou ás tres. Non podo contar nada do que pasou despois porque non son testemuña directa dos feitos, pero podo asegurar que á mañá seguinte ninguén puido traballar en condicións.
No fotoblog de flickr pódense ver máis imaxes.
E tamén hai un vídeo aquí, en youtube.

Curiosidades como esta pódense ver no programa 20 na Galega, na Galega.

Fonte: Galicia Hoxe de hoxe.

Conseguir que medre e se consolide é o obxectivo que a xornalista María Yáñez se marcou para a súa nova etapa ó fronte do portal galego de noticias, Vieiros, na remuda do escritor e xornalista Anxo Quintela quen vai emprender un “novo vieiro”.
A partir do ano que vén o portal celebrará o seu décimo aniversario polo que “aproveitaremos para facer un pouco de balance e reedefinición” comenta a blogger, que tamén dirixe A Rotonda, a primeira editora en galego.
Durante este período a nova directora quere que o portal “medre máis que que cambie e se siga consolidando” e para iso fomentarase a produción “de traballos especiais” e promoverase “a participación dos lectores” a través “doutro tipo de campañas que abarquen novos ámbitos para achegarse á xente que non está na rede” explica a xornalista quen quere saber “cara a onde imos”.
Sobre a súa elección supón que “buscaban o perfil dunha muller nova que estivese en contacto coa rede galega e co mundo xornalístico”, características que se cumpren e que se seguirán cumprindo, xa que pensa continuar co seu labor no blog e na editorial A Rotonda.

Pois moita sorte nesta nova andaina.
Atención á foto con ‘pose sesi’:

Leo na portada da web da CRTVG:
«O 16 de decembro publicaranse no DOG as bases para a solicitude de inclusión nas listas de contratación temporal da CRTVG. Este día porase un enlace aquí para inscrivirse» (sic)
Non o podo copiar e pegar, porque está en flash, pero aí queda, falta de ortografía incluída. Estades avisad@s.
Engádega: Evidentemente era unha errata, porque xa se corrixiu o día seguinte.. Xa sabemos que as teclas V e B están unha a carón da outra…

Seguimos reciclando imaxes. É o propio, como diría Tonhito de Poi.