Categoría: Cultura IN

Parabéns, Lordi!

Breve análise do festival de Eurovisión 2006:

• España deulle 10 puntos aos gañadores -os finlandeses- e 12 a Romanía -segundo Beatriz Pécker, polo gran número de emigrantes romaneses que hai aquí.
• Só Andorra (12) e Albania (6) lle deron puntos a España. Seguramente pola cantidade de emigrantes españois que hai en Albania.
• Portugal deulles 0 merecidos puntos ás Ketchup.

Hoxe é o día no que todos os xornais en castelán saen coas súas primeiras páxinas -que non o resto- en galego. Algo así como se as mulleres só tivesen dereito a traballar fóra da casa o 8 de marzo. De todos os xeitos, sempre xorden propostas interesantes. Por exemplo, dende hoxe La Voz de Galicia ofrece unha versión dixital en galego mediante tradución automática.

Outro dato para ter en conta: os lectores do mesmo xornal elixen carallo como sétima palabra máis fermosa do galego.

Como os rapaces de Desconcierto.com me agasallaron hoxe con esta chapa, para corresponder, fágolles un pouquiño de publicidade. Para que todo o mundo saiba onde pode atopar información sobre discos e concertos de música independente, maiormente.

É o que di o retrouso de Mala Vida, de Mano Negra, con Manu Chao á fronte. Ata hai uns minutos, eu non o sabía. Agora, si.